குதிரைக்கு
கொம்பு முளைத்த காலமிருந்து
கற்பனைக் குதிரைகளின்
இனப்பெருக்கத்திற்கும்
குறைவில்லை..!
களத்தில் அன்று
ஒரு லங்காபுவத்..!
கடல் கடந்த
தேசங்களில் இன்று
எல்லாமே அதுவாய்…!
இல்லாத…
பிரபா அணி
கிட்டு அணி
சண்டை..!
இருந்த…
கிட்டு மீது பொட்டு தாக்கு
பொட்டு மீது மாத்தையா தாக்கு
மாத்தையா மீது யோகி தாக்கு
யோகி மீது கரடி தாக்கு…..
இப்படியே திண்ணைப் பேச்சில்
பொழுது கழித்த கூட்டம்
புலம்பெயர்ந்து மட்டும்
திருந்தவா போகுது..??!
இறுதியில்…
சூசை மகன் மீது
பிரபா தாக்கு
பிரபா மீது
சூசை கடுப்பு…
அன்ரன் மீது
பிரபா விசனம்
விசனம் மீது
பிரபா கொலைவெறி…
போராட்டம்
நெடுகிலும்
எம்மவரின்
கற்பனைக் குதிரைகளின்
தடாலடி
ஓட்டப் போட்டிகளுக்கும்
குறைச்சலில்லை…!
எதிரியோடு
துரோகிகளும்
மாற்றுக்கருத்து லயங்களும்
திட்டமிட்டு
திறந்துவிட்ட குதிரைகளும்
அவை கக்கிவிட்ட
லத்திகளுக்கும்
வதந்திகளுக்கும்
குறைவேயில்லை..!
இன்று அவை
பரிதி அண்ணன் சாவிலும்
பரிதவிப்பு ஏதும் இன்றி..
குதிரைக் குட்டிகளாய் அன்றி
பட்டி தொட்டி எங்கும்
புலனாய்களாய்
பெருகும் நிலை..!
சந்து பொந்தெங்கும்
அவற்றின் ஊளையிடல்..!
உண்மைக்கும் அங்கே
உறங்கு நிலை..!
சனமோ…
நிஜம் எது
நிழல் எது
சிந்திக்க முதல்
சங்கதிகள்
மாயையில்
வீழ்த்தப்படுகின்றன…!
எதிரிகளின்
திட்டங்கள்
சுலபமாய்
வெல்ல வைக்கப்படுகின்றன…!
சொந்த இனம்
துவண்டு வீழ்ந்தாலும்
சொத்துக் கணக்கு பார்க்கும் கூட்டம்
அடுத்தவன் சொத்தில்
தான் தின்றமை அறியார்..!
தம்
சொந்தத் தோள்களிருந்தும்
அழுக்குப்பட்ட சால்வைகள்
வீழ்வது கூட தாங்கார்..!
பின்னூட்டமொன்றை இடுக