Archive for மக்கள்

சந்தனமேனிகள் செம்மரக்கட்டைகளாதென்ன..!!

செந்தமிழ் தாயின்

சந்தன மேனியர்

ஆந்திர எல்லையில்

சரிந்தே வீழ்ந்தனர்

மரக்கட்டைகள் நடுவே

செம்மரக்கட்டைகளாய்..!

 

கிரந்த மொழி பேசும்

திராவிட வாரிசுகளாம்

தெலுங்கர்கள்

பட்சாதாபமின்றி

வேட்டையாடி மகிழ்ந்தனர்

செந்தமிழன் பிணம் வீழ்த்தி…!

 

சிங்களப் பேய்கள்..

ஹிந்தியப் பிசாசுகள்

குடித்த ஈழத்தமிழ் இரத்தம்

காய முதல்..

கடலில் கரைந்த

தமிழகத் தமிழனின் குருதி

நிறம் மாற முன்..

நடந்தது சம்பவம்..!

 

சந்தனக் கடத்தலை

சாட்டி

முதலைகள்

வேட்டையாடி முடித்தன..

மீண்டும்

ஓர் இனப்படுகொலையின்

நினைவை

மனதின் ஓரத்தில் இருத்தி..!

 

புலிக்கொடி நடுவே

படை நடத்திய

சோழ தேசம்

இன்று

வீழ்ந்து மடிகிறது..!

காரணம் தான் என்ன..

தமிழனை தமிழன்

ஆள வழியின்றி போனதே..!

 

மீட்போம்

எம் ஆளும் உரிமை..

காப்போம்

தமிழர் வாழ்வுரிமை

இவ் வையகத்தில்..!

 

மாற்று வழி தான்

இதற்கும் இல்லை

புரிந்தே நின்று

புரிய வைப்போம்

சொந்த தேசமிழந்து..

வையகம் எங்கும்

சிதறி வாழும்

தமிழ் உள்ளங்களில்..!!

Advertisements

Leave a comment »

கல்லறைக் கவிதைகள்..!

kaarthikaipoo

வேலிப் பொந்தினில்

பிறந்த நேசத்தில்

கருக்கொண்டவள்

வைக்கறைப் பொழுதினில்

வைத்தியசாலையில் நன்கே பிறந்தவள்.

 

அழகு பெயரும் சூட்டி

அடுக்குச் சட்டை போட்டு

கொண்டாடிய பிறந்த நாட்கள் பல

களிப்புறக் கண்டவள்..!

 

தங்கத் தட்டினில்

பல்லுக் கொழுக்கட்டை

அவிச்சுக் கொட்ட இன்புற்றவள்..

மங்கையாய் பருவமடைந்த வேளையதில்

பல்லக்கில்

பவனி வந்தவள்..!

 

அந்நிய நாடுகளில்

அதிசய வாழ்க்கை தந்திட

கண்கவர் கள்வர்கள் படையெடுத்த போதினில்

அழகு கன்னியாக

வீதி வலம் வந்தவள்..!

 

தேசத் தாயவள்

அவதி கண்டவள்..

நொடிப் பொழுதினில்

உந்தித் தள்ளிய தேவையின் வேகத்தில்

வேங்கையாகி பாய்ந்து நின்றவள்.

 

தாய் நிலம் தின்ற

சிங்களப் பாசறை நொருக்கி

வீழ்ந்தவள்..

மாவீரர் வரிசையில்

நிமிர்ந்து நின்றவள்.

 

அவளாய் இருக்குமோ

இவன் வாழ்க்கைத் துணை…

தனித்து விட்டவன்

தாய் நிலம் இழந்தவன்…

சிங்களத் தடுப்பகத்தில்

ஏக்கங்களே வாழ்வாகிப் போனவன்..

காதலியோ அவள்…!!

 

கல்லறைகள் தொலைத்தவன்

கார்த்திகை அன்று

அவள் நினைவுச் சிலைக்கு

காந்தள் மலர் சூடக் கூட

கதியற்றவனாய்

கண்ணீர் பூக்களால்

பூஜித்து நிற்கிறான் இவன்

அவள் தேசக் காதலனாய்..!!

Comments (1) »

கார்த்திகை ஒளிர்கிறது..! (2014)

nov2

கார்த்திகை ஒளிர்கிறது
மலரும் மலர்கிறது
கண்ணீர் அரும்பிட
கண்களில் படர்ந்தவர்
நினைவுகள் மனதில் பெருகிட..

கருவறையில் கனவுகளோடு
பிறந்தோம் – பின்
கல்லறையில் கனவுகளோடு
புதைந்தோம்..
வாழ்க்கை என்பதை
தேச விடுதலைக்காய்
வாழ்ந்து முடித்தோம்.

எமக்காக..
பசி இருக்க வேண்டாம்
கண்ணீர் சிந்த வேண்டாம் – ஏன்
மனதில்
கவலையே வளர்க்க வேண்டாம்..!
கார்த்திகை எங்கும்
எங்களுக்காய் எதுவும்..
வலிந்து தவிர்க்க வேண்டாம்..!
கண் முன்னே தொடரும்
உங்கள் தாய் மண்ணவள்
அவலம் போக்க
சித்தம் வையுங்கள்
அது போதும்..!!!

தேச விடுதலைக்காய்
போனவர் நாங்கள்…
போர் பிரியர்களாய்
உடல் சிதைந்து சாவதற்கல்ல..!
மக்கள் உரிமைக்காய்
உழைத்தவர் நாங்கள்
காட்டிக்கொடுத்து
மண்ணை சிதைப்பதற்காய் அல்ல…!!

தேசிய தலைவனின்
பிள்ளைகள் நாங்கள்..
இறுதி வரை
அவர் வழியில் நின்றோம்..!!
தலைவன் காட்டிய பாதை
தெளிந்ததாய்.. சீரியதாய்
தெரிந்தும் தெரியாமல்
பாதை மாற வேண்டாம் – அது
எம் கல்லறைகள் மீது
இயந்திரங்கள் ஏவிய
இதயமற்றவற்கு  ஈடாக்கும்.!

எதிரிகள், துரோகிகள்
மனித வேட்டையாட அல்ல
எம் அர்ப்பணிப்புக்கள்..!
மண்ணின் ஆக்கிரமிப்பை
நீக்கவே நாங்கள் போனோம்..
தடை நீக்கிகளாய்
நாங்கள் வெடித்தோம்..
அது.. தேசம் சிறைப்படுவதை தடுக்க..!

எனியும்…
கொள்கை மாற வேண்டாம்
தேச விடுதலை ஒன்றே
எமது இலக்கு
உங்கள் இலக்கு..!!
இத்தனை இழப்புகள்
இத்தனை துயர்கள்..
மன்னிப்பு என்ற
ஒற்றை வார்த்தைக்குள்
முடிக்க வேண்டாம்.!!
எம் ஆத்ம உலாவல்
தேச விடுதலையின் வேளையில்
மட்டுமே அமைதி பெறும்..
புரிந்து கொண்டு
செயற்படுங்கள்…!!!

கார்த்திகை ஒளிர்கிறது
மலரும் மலர்கிறது
கண்ணீர் அரும்பிட
கண்களில் படர்ந்தவர்
நினைவுகள் மனதில் பெருகிட..
எம் கனவுகள் மீள்சொல்லி
மீண்டும் ஓய்கிறோம்
கல்லறைகள் அற்ற
தேச மண்ணின்
சேதனத் துணிக்கைகளாய்..!!!

Leave a comment »

வெடிக்க வேண்டும் மக்கள் புரட்சி.. மிரட்சி அல்ல..!!!

திலீபன்

விழியோரங்கள் அரும்பிய

நீர் துடைத்து

கயிற்று நிரைகளுக்குள்

அடங்கி இருக்கும்

மக்கள் கூட்டம் நடுவிருந்து

கண்கள் அவனையே நோக்குகின்றன..!

 

பின்புலத்தில்

சீறிப் பாயும் புலியா

யாழ் இந்துவின்

உண்மைப் புதல்வனா

தாய் தமிழீழத்தின்

செல்லப் பிள்ளையா

மக்கள் விடுதலையின்

ஒற்றைக் குரலா…

கேள்விகள்

அவன் கோலம் கண்டெழுகின்றன..!

 

சின்னஞ்சிறுசுகளின் மாமா..

எங்கள் அண்ணா

உங்கள் தம்பி

பலரின் பிள்ளை

சிலரின் எதிரி

சிந்தனை ஒன்றை வைத்து

உண்ணா நோன்பிருந்து

மக்களை துயில்

எழுப்பிக் கொண்டிருந்தான்..!!

 

கனவுகள் அவன்

தனக்காக கண்டதில்லை..!

சனத்துக்காக தன் சாவிலும் கூட

மேலிருந்து

விடுதலையை காண்பேன் என்றே மொழிந்தவன்…

தேகத்தையே

தேசத்தில் பிள்ளைகள் படிக்க

கொடுத்தவன்..

நம்பிக்கை வைத்து உறங்கிக் கொண்டிருந்தான்.

 

இன்று…

வீழ்ந்துவிட்ட அவன் அடையாளங்கள்

வீழாது வைத்திருக்கிறது

இதயங்கள் எங்கும் அவன் நினைவுகள்.!!

உயிர் உள்ள வரை

தமிழன் என்ற இனம் உள்ளவரை

அண்ணன் திலீபன் வாழ்வான்

அது உறுதி..!

 

ஆனால்…

அவன் உயிர் தந்த இலட்சியம்..

செத்து விடுமோ..

சாகடிக்கப்படுமோ…??!

வினாக்கள் விளைகின்ற காலமிதுவாகிப் போனது

துரதிஸ்டம்..!!

இந்த நிலை மாற வேண்டும்

சுதந்திர தமிழீழம் மலர வேண்டும்

அதுக்கு வெடிக்க வேண்டும்

மக்கள் புரட்சி..

மிரட்சி அல்ல…!!!!

Leave a comment »

ஏய் மனிதா நில்லு… சொல்லு..!!!!

போர்1

ஏய் மனிதா நில்லு

உலகம் படைச்சது எதற்காக

நீ…

உலோகம் கொண்டு எல்லையிடவா..??!

 

ஏய் மனிதா சொல்லு

இவள் பிறந்தது எதற்காக

நீ..

கம்பி வேலியிட்டு அடைத்து வைக்கவா..??!

 

ஏய் மனிதா சொல்லு

ஒற்றை மலலாவுக்கு குண்டடி என்றதும்

பதறுவது எதற்காக..

நீ

இவளை முட்கம்பியால் கட்டி வைக்கவா…??!

 

ஏய் மனிதா சொல்லு

உன் குழந்தைக்கு ஐபாட்டும்.. ரெடிபெயரும் எதற்காக

நீ

இவள் போல்

எண்ணற்ற குஞ்சுகளை வதைப்பதை மறைக்கவா..??!

 

ஏய் மனிதா சொல்லு

யுனிசெப் என்ற ஒன்று எதற்காக..

நீ

உள்வீட்டுப் பிரச்சனைகளில் உளவு பார்க்கவா..??!

 

ஏய் மனிதா சொல்லு

மனித உரிமைகள் யாருக்காக..

நீ

வெள்ளைத்தோலால் உலகை ஆள்வதற்கா..??!

 

ஏய் மனிதா சொல்லு..

இந்த வேசங்கள் எதற்காக

நீ

அழிவைத் தேடிச் செல்வதாலா..??!

 

ஏய் மனிதா சொல்லு…

இந்தப் பிஞ்சின் கண்ணில் கண்ணீர் எதற்காக

நீ…

அவள் வலியில் வாழ்வதற்காகவா..!

 

ஏய் மனிதா நில்லு..

உன்னிடம் ஆயுதம் எதற்காக..??!

உன் உரிமைக்காக.

அதுவே மற்றவரிடமும்.. அவர் உரிமை காக்க.

நீ..

அதையே பயங்கரவாதமும் ஆக்காதே.

 

ஏய் மனிதா நில்லு..

அடுத்தவனை திட்டுவது எதற்காக..??!

நீ

முதலில் உன் செயல் எண்ணிப்பார்…!!!!

 

ஏய் மனிதா நில்லு

இனியும் வேண்டாம் இந்த வேற்றுமைகள்

நீ

ஒன்றில் திருந்து அல்லது திருத்தப்படுவாய்…

கடவுளால் அல்ல இவள் போல் சக மனிதனால்..!!!!

Leave a comment »

கிட்டு என்ற அந்தப் புலிப் பொடி.

[kiddu.jpg]

தமிழர் நிலத்தினிலே

ஒல்லாந்தன் கட்டிய கோட்டையிலே

சிங்கக்கொடி..

அது அகற்றி

தமிழர் வீரப் புலிக் கொடியேற்ற

சமராடியது ஒரு பொடி

அவனே..

கிட்டு என்ற அந்த புலிப் பொடி.

 

வேட்டுகள் அவன் விருப்பு அல்ல

மக்கள் விடுதலையே

அவன் கனவு..!

சின்னப் பொடியள் முதல்

வயதான தாத்தா வரை

“மாமா” என்றழைக்கும்

அன்பு மகன்..

யாழ் நகரின் செல்லப் பொடி..

அவனே..

கிட்டு என்ற அந்தப் புலிப் பொடி..!

 

விடுதலைப் பாதையிலே

தொல்லைகள் தந்தோர்

குண்டு எறிய

ஒற்றைக் காலிழந்த பொடி

நம்பிக்கை தளராத

துணிவோடு களமாடினான்

அவனே..

கிட்டு என்ற அந்தப் புலிப் பொடி.

 

தமிழீழ விடுதலை என்ற

தேசக் கடமைக்காய்

உறவுகளைப் பலப்படுத்த

தலைவன் காட்டி பாதையில்

ராஜதந்திரியாய்

ஏழ்கடல் தாண்டி

தொலை தேசமும் நகர்ந்தான்

அவனே..

கிட்டு என்ற அந்தப் புலிப் பொடி.

 

தமிழீழ மண்ணில்

ஹிந்திய வல்லாதிக்க வெறியுடன்

அண்ணன் படை

சண்டை போட

சர்வதேச அரங்கில் இவன்

தமிழர் போராட்ட நீதிக்காய்

முழங்கினான்.

அவனே..

கிட்டு என்ற அந்தப் புலிப் பொடி.

 

இடையில்…

அமைதி என்ற பெயரில்

ஹிந்திய சதி விளங்காது

படகேறி..

வங்கக் கடல்நடுவே

தோழரொடு..

தமிழர் வீர மரபேந்தி

வீரமரணம் அடைந்தான்

அவனே

கிட்டு என்ற அந்தப் புலிப் பொடி.

 

ராஜீவின் கொலைப்படைகள்

செய்த பல படுகொலைகளில்

அகத் என்ற கப்பல் தகர்த்த

இக்கொலையில்…

தமிழினம் இழந்த அருமைப் பொடி

அவனே..

கிட்டு என்ற அந்தப் புலிப் பொடி.

 

தேச விடுதலைக்காய்

ஆகுதியான பொடியளுள்

கேர்ணல் கிட்டு என்ற

நாமத்துடன்..

ரங்கா.. மணி

50 கலிபர்..

உறுமும் அந்த Honda 200 காட்டிய பொடி

இன்று.. மாவீரனாய்

அவனே

கிட்டு என்ற அந்தப் புலிப் பொடி.

 

கிட்டு மாமா என்ற பொடி

அவன் விண்ணிருக்க..

அவன் மருமக்களாய்

கூடி விளையாடிய நாமோ

அநாதைகளாய்

இன்னும்…

மண்ணிருந்து

விடுதலைக்கு

ஏங்கும் பரதேசிகளாய்..!

 

Leave a comment »

ஆச்சி எடன அரிவாளை..

பொங்கல்

ஆச்சி எடன அரிவாளை..

எதுக்கடா பேராண்டி

பொங்கலுக்கு

புதுக்கதிர் எடுக்கவோ..?!

இல்லையன ஆச்சி

இனமானப் போரில்

பொட்டிழந்து பொலிவிழந்து..

குளிக்கும் உன்னைக் கூட

கணக்குப் பண்ணும்

சிங்கள நாய்களை போட்டுத்தள்ள…!

 

விடுடா அது

அவன் பிறவிக் குணம்..

இல்லையன ஆச்சி

தமிழர் நாங்கள்

புலியாய் பாய

பயந்தோடிய தெருநாய்கள்

உலக உருண்டையின்

பொய் நயத்தால்

வெற்றிக் கோசம் சேர்த்து

எம்  தேசம் மேய்கின்றன.

இன்னும் என்னை

சும்மா இருக்கச் சொல்லுறியோ..??!

 

தம்பி ராசா..

பொங்கிய இரத்தம் போதும்

செத்து வீழ்ந்ததும் போதும்

வீரம் விவேகம் விளையாடினதும் போதும்

எனிக் கொஞ்சம்

இராஜதந்திரம் படிக்கட்டும்

எம் இனம்

சும்மா கிடவடா..!

 

என்னன  ஆச்சி சொல்லுறா

கண் முன்னால

அநியாயம் கண்டும்…

இமை மூடி

சும்மா கிடவென்றோ வெருட்டுறாய்..??!

இல்லையடா பேராண்டி

அப்புவைப் போல

உன்னையும் தொலைக்க

எனக்குத் தைரியம் இல்லை.!

வம்சத்தின் ஒரே

எஞ்சிய வாரிசு நீ..!

நீயும் தொலைந்தால்..

இனம் நிலம் என்னாகும்..??!

 

அமைதியாக் கிடந்து

என்னன  ஆச்சி செய்யுறது..

எங்கட சனத்தையே

எட்டப்பனாக்கி

எங்களையே மோத விட்டு

எதிரி எப்படி வென்றானோ

எனி..

நாங்களும் அதையே செய்வம்…!

 

இப்ப பொங்கலுக்கு

நீ…

நாலு புதுக்கதிர் எடுத்து வா..

புலிகள் வீழ்ந்த மண்ணில்

களைகள் கூட முளைக்காத

வயல்களில் விளைந்த

கதிர்களடா அவை.

பொங்குவோம் அதனால்..

விடியும் வரை

பொங்கு தமிழரே பொங்கு

பொங்கு தமிழே பொங்கு என்று..!

Comments (2) »